အဆောင်ကောင်း
လူတွေဟာ လက်စွပ်၊ လက်ကောက်၊ဆွဲကြိုး စတဲ့ လက်ဝတ်တန်ဆာ
ရတနာတွေကို ကိုယ်နဲ့မကွာ အမြဲဝတ်ဆင်ထားသလို တရားကို ကိုယ်နဲ့မကွာ
ဝတ်ဆင်ဆောင်ထား နိုင်မယ်ဆိုရင် မဂ်ဖိုလ် နိဗ္ဗာန်ရဖို့မခဲယင်းဘူး၊
ရတနာအမျိုးမျိုး ရှိတဲ့အနက် တရားရတနာဟာ အကောင်းဆုံး၊ အမြတ်ဆုံးပဲ။
အဆောင်ကတော့ အဆောင်တွေထဲမှာတော့ တရားအဆောင်ဟာ အကောင်းဆုံးပဲ။
ဒါကြောင့်`တရားသတိ၊ အမြဲရှိမှ၊ ခုလည်းချမ်း၊ နောင်ချမ်းသာမည်၊ ငါ့မှာ
သတိမြဲတည့်း ` လို့နေ့တိုင်း ရှုမြင်၊ ဆင်ခြင် နှလုံးသွင်းရမယ်။

လုပ်ဆောင်ချက်ကသာ အဓိက
ကောင်းတာကြံ၊ မှန်တာလုပ်၊ ဟုတ်တာပြောတဲ့အခါ ရက်ရာဇာ
မကောင်းတာကြံ၊ မမှန်တာလုပ်၊ မဟုတ်တာပြောတဲ့အခါ ပြဿဒါး၊
ကိုယ့်ရဲ့ ကံကောင်းမှု၊ ကံမကောင်းမှုဟာ နေ့တွေရက်တွေနဲ့မဆိုင်ပါ။
ကိုယ်ရဲ့ ပြုလုပ်၊ ပြောဆို၊ ကြံစည်မှု ကောင်းမကောင်း နဲ့သာဆိုင်တာပါ။
ကံကောင်းချင်ရင် ကောင်းတာကြံ၊ မှန်တာလုပ်၊ ဟုတ်တာပြော၊
ကံဆိုးချင်ရင် မကောင်းတာကြံ၊ မမှန်တာလုပ်၊ မဟုတ်တာပြော၊
အဲဒါ ဗုဒ္ဒနည်းကျ ကမ္မနီယာမ သဘော။